ਕਲਗੀਧਰ ਇੰਟਰਨੈਸ਼ਨਲ ਸਕੂਲ ਇੱਕ ਵਿਸ਼ਵ ਪੱਧਰ ਦੀ ਸੰਸਥਾ ਹੈ ਜੋ ਆਧੁਨਿਕ ਅਤੇ ਨੈਤਿਕ ਮੁੱਲਾਂ ਤੇ ਅਧਾਰਤ ਵਿੱਦਿਆ ਪ੍ਰਦਾਨ ਕਰਦੀ ਹੈ । ਇਹ ਸਕੂਲ ਯੂਰਪ ਦੇ ਵਿੱਚ ਵੱਸਦੇ ਪੰਜਾਬੀਆ ਦਾ ਪੰਜਾਬ ਪ੍ਰਤੀ ਅਥਾਹ ਪਿਆਰ ਪੰਜਾਬੀ ਭਾਸ਼ਾ ਅਤੇ ਪੰਜਾਬੀ ਸੱਭਿਆਚਾਰ ਦੇ ਚਹੇਤਿਆਂ ਵੱਲੋਂ ਚਲਾਇਆ ਜਾਂਦਾ ਹੈ,ਜੋ ਕਿ ਸਿੱਖ ਧਰਮ ਅਤੇ ਗੁਰਮਤਿ ਸਿੱਖਿਆ ਦੇ ਪ੍ਰਸਾਰ ਲਈ ਯਤਨਸ਼ੀਲ ਹਨ। ਇਹ ਸੰਸਥਾ ਦੇਸ਼ਾਂ ਵਿਦੇਸ਼ਾਂ ਵਿੱਚ ਵਸਦੇ ਪੰਜਾਬੀਆ ਅਤੇ ਇਹਨਾਂ ਪੰਜਾਬੀਆ ਦੀ ਨਵੀਂ ਜਨਮੀ ਪੰਜਾਬੀ ਪੀੜੀ ਨੂੰ ਪੰਜਾਬ ਤੇ ਪੰਜਾਬੀ ਭਾਸ਼ਾ, ਸੱਭਿਆਚਾਰ ਅਤੇ ਸਿੱਖ ਇਤਿਹਾਸ ਨਾਲ ਜੁੜਨ ਦਾ ਮੌਕਾ ਪ੍ਰਦਾਨ ਕਰਦੀ ਹੈ । ਅੱਜ ਵਿਦੇਸ਼ਾਂ ਵਿੱਚ ਰਹਿੰਦੇ ਪੰਜਾਬੀ ਆਪਣੀ ਮਾਤ ਭਾਸ਼ਾ ਨੂੰ ਭੁੱਲਦੇ ਜਾ ਰਹੇ ਹਨ ਅਤੇ ਇਹਨਾਂ ਦੇ ਘਰ ਜਨਮੇ ਬੱਚੇ ਪੰਜਾਬੀ ਭਾਸ਼ਾ ਦੇ ਲਿਖਤੀ ਜਾਚ ਤੋਂ ਕੋਹਾਂ ਦੂਰ ਹਨ । ਇਸੇ ਲਈ ਇਹ ਸਕੂਲ ਉਨ੍ਹਾਂ ਸਭ ਖੱਪਿਆਂ ਨੂੰ ਭਰਨ ਲਈ ਯਤਨ ਹੈ।

ਕਲਗੀਧਰ ਇੰਟਰਨੈਸ਼ਨਲ ਸਕੂਲ ਆਪਣੇ ਬੱਚਿਆਂ ਵਿੱਚ ਆਤਮਿਕ ਵਿਸ਼ਵਾਸ ਨੈਤਿਕ ਮੁੱਲਾਂ ਅਤੇ ਗੁਰਮਤਿ ਦੇ ਗਿਆਨ ਵੱਲ ਵਿਸ਼ੇਸ਼ ਧਿਆਨ ਦਿੰਦਾ ਹੈ, ਤਾਂ ਜੋ ਪੰਜਾਬ ਤੋਂ ਬਾਹਰ ਰਹਿੰਦੇ ਬੱਚੇ ਆਪਣੀਆਂ ਜੜਾਂ ਨਾਲ ਜੁੜੇ ਰਹਿਣ ਅਤੇ ਆਪਣੇ ਸ਼ਾਨਾਮੱਤੇ ਇਤਿਹਾਸ ਨੂੰ ਜਾਣ ਸਕਣ । ਅੱਜ ਦੁਨੀਆਂ ਦਾ ਹਰ ਵਰਗ ਆਪੋ ਆਪਣੇ ਧਰਮ ਦਾ ਪ੍ਰਚਾਰ ਗੈਰ ਧਰਮੀ ਲੋਕਾਂ ਦੇ ਵਿੱਚ ਕਰਨ ਲੱਗਾ ਹੋਇਆ ਹੈ ਜਦੋਂ ਕਿ ਦੂਜੇ ਪਾਸੇ ਸੰਸਾਰ ਦੀ ਜੁਝਾਰੂ ਕੌਮ ਆਪਣੇ ਧਰਮ ਅਤੇ ਇਤਿਹਾਸ ਤੋਂ ਦੂਰ ਹੁੰਦੀ ਜਾ ਰਹੀ ਹੈ ਕਿਉਂਕਿ ਬੇਸੱਕ ਦੋ-ਤਿੰਨ ਦਹਾਕੇ ਪਹਿਲਾਂ ਵਿਦੇਸ਼ਾਂ ਵਿੱਚ ਵਸੇ ਸਾਡੇ ਪੰਜਾਬੀ ਵੀਰ ਤੇ ਭੈਣਾ ਤਾਂ ਪੰਜਾਬੀ ਬੋਲਣੀ ਲਿਖਣੀ ਜਾਣਦੇ ਹਨ ਪਰ ਉਹਨਾਂ ਦੇ ਬੱਚੇ ਪੰਜਾਬੀ ਨੂੰ ਬੋਲਣ ਅਤੇ ਸੁਣਨ ਤੱਕ ਹੀ ਸੀਮਤ ਹਨ। ਪੰਜਾਬੀ ਨੂੰ ਲਿਖਣ ਅਤੇ ਪੜ੍ਹਨ ਤੋਂ ਅਸਮੱਰਥ ਹਨ। ਕਲਗੀਧਰ ਇੰਟਰਨੈਸ਼ਨਲ ਸਕੂਲ ਵਿਖੇ, ਅਸੀਂ ਇੱਕ ਅਜਿਹਾ ਸਿੱਖਣ ਵਾਲਾ ਮਾਹੌਲ ਬਣਾਉਣ ਲਈ ਕੰਮ ਕਰਦੇ ਹਾਂ ਜੋ ਸਾਡੇ ਵਿਦਿਆਰਥੀਆਂ ਨੂੰ ਸਿੱਖਣ ਅਤੇ ਪੰਜਾਬੀ ਸੱਭਿਆਚਾਰ ਵਿੱਚ ਨੂੰ ਸਮਝਣ ਦੇ ਯੋਗ ਬਣਾਉਂਦਾ ਹੈ। ਸਾਡੇ ਵਿਦਿਆਰਥੀ ਪੰਜਾਬੀ ਭਾਸ਼ਾ ਦੀ ਸਿੱਖਿਆ ਕਿੰਡਰਗਾਰਟਨ ਵਿੱਚ ਸ਼ੁਰੂ ਕਰਦੇ ਹਨ, ਅਤੇ ਅਸੀਂ ਪੰਜਾਬੀ ਵਿਆਕਰਨ ਦੇ ਮੁੱਢਲੇ ਨਿਯਮਾਂ ਦੀ ਜਾਣਕਾਰੀ ਦਿੰਦੇ ਹੋਏ ਪੰਜਾਬੀ ਭਾਸ਼ਾ ਨੂੰ ਚੰਗੀ ਤਰ੍ਹਾਂ ਸਿੱਖਣ ਤੇ ਜ਼ੋਰ ਦਿੰਦੇ ਹਾਂ ।

ਕਲਗੀਧਰ ਇੰਟਰਨੈਸ਼ਨਲ ਸਕੂਲ ਵੱਜੋਂ, ਸਾਡਾ ਮੰਨਣਾ ਹੈ ਕਿ ਪ੍ਰਭਾਵਸ਼ਾਲੀ ਸਿੱਖਿਆ ਲਈ ਇੱਕ ਸੁਚੱਜਾ ਅਤੇ ਸੁਵਿਧਾਵਾਂ ਵਾਲਾ ਮਾਹੌਲ ਮਹੱਤਵਪੂਰਨ ਹੈ। ਅਸੀਂ ਬੇਮਿਸਾਲ ਅਕਾਦਮਿਕ ਸੇਵਾਵਾਂ ਰਾਹੀਂ ਇੱਕ ਸਿੱਖਣ ਲਈ ਚੰਗਾ ਮਾਹੌਲ ਪ੍ਰਦਾਨ ਕਰਨ ‘ਤੇ ਧਿਆਨ ਕੇਂਦਰਿਤ ਕਰਦੇ ਹਾਂ ਜੋ ਸਾਡੇ ਵਿਦਿਆਰਥੀਆਂ ਲਈ ਚੰਗੇ ਮੁੱਲਾਂ ਅਤੇ ਇੱਕ ਨੈਤਿਕ ਜੀਵਨ ਸ਼ੈਲੀ ਦੇ ਵਿਕਾਸ ਨੂੰ ਉਤਸ਼ਾਹਿਤ ਕਰਦਾ ਹੈ।